Sonntag, 12.3.2023

Sogar am Sonntag steh ma ganz früh auf,
Denn mia gehma mit da Bergwacht an Berg hinauf!
De Sonn schaut endlich moi wieder raus,
Am Parkplatz sand de Zimtschnecken no a Schmaus.
Von de Bergwachtler werma ganz herzlich begrüßt,
wos uns schomoi den Tag versüßt!

Nach de ersten paar Höhenmeter
Do brauchma a scho den Peter
Denn der kimmt mit dem Schlitten
Und wir retten de Elisabeth in unserer Mitten.
Mit vereinten Kräften am Hang
Es dauert gar ned lang
Sie muss ned den Berg obe hinken
Und wir unserm „Unfallopfer“ nachwinken.

Nach der anstrengenden Rettungsaktion
Do kimmt schon de nächste Station:
Glühwein, heiße Schokolad und Punsch
Erfüllen unsern innigsten Wunsch:
Warm soin unsere Händ und Füße wern,
Aber selbst de Kälte kann unsern Ausflug ned verderbn!
Reanimation wird a nommoi geübt
Und de Tammi erklärt uns ihr Arbeit ganz vergnügt

In da Bergwachtler Hütten
Wir warten auf den nächsten Schlitten:
De Pistenraupe bringt uns wieder runter
Und wir treffen uns ganz munter
In da Gaststube, wos is ganz warm
Und wir richtig gmiatlich sitzen zam.
Durch de vielen Eindrücke an dem Dog
Unser Hunger is scho ganz arg!

A herzliches Dankeschön nommoi dafür,
Dass wir guad versorgt mit Essen und Bier!
Nach oana deftigen Brotzeit
Sich wieder trennen de Leid.
In unsere Hütt wir fahren wieder hoam
Und morgen unsere Ärzte uns wern wieder vui zoang.
Nach dene ganzen Schneeballschlachten
Im Bett wir wern ganz schnell unsere Augen zua machen!